Во Косово уште еден починат од Ковид-19, досега вкупно 4 смртни случаи

ПРИШТИНА

Во Косово денес почина уште една пациентка позитивна на Ковид-19, но тоа беше констатирано по нејзината смрт, пренесува Агенција Анадолија (АА).

Болничката и универзитетка клиничка служба на Косово соопшти дека пациентката на возраст од 65 години, префрлена од болницата во Урошевац, била примена во Ургентниот центар во многу тешка состојба и дека поради срцев удар починала и покрај максималниот ангажман на лекарскиот персонал. Пациентката била позитивна на Ковид-19, што е потврдено по нејзината смрт.

Во соопштението се наведува дека денес во Ургентниот центар покраj починатата пациентка, биле примени уште двајца пациенти чии резултати биле исто така позитивни на Ковид-19.

Националниот институт за јавно здравство на Косово соопшти дека 5 нови лица се заразени со Ковид-19, во кои спаѓаат и трите пациенти примени денеска во Ургентниот центар и од кои едно лице почина.

Вкупниот број на заразени во Косово изнесува 170 лица, додека 4 лица ги загубија животите.