Посетата на турскиот министер за трговија, Болат, на Северна Македонија значително ќе придонесе за економските односи

АНКАРА (АА) - Посетата на министерот за трговија на Туркије, Омер Болат, на Северна Македонија закажана за 26 декември значително ќе придонесе за развојот на дипломатските и економските односи помеѓу двете земји, известува Анадолу.

Според информациите до кои дојде дописникот на АА, министерот Болат утре пристигнува во Северна Македонија, каде што ќе оствари официјални средби и ќе учествува на неколку состаноци.

Министерот Болат прво ќе се сретне со министерот за надворешни работи и надворешна трговија на Северна Македонија, Тимчо Муцунски. По оваа средба министрите ќе одржат заедничка прес-конференција.

За време на посетата министерот Болат ќе биде примен од премиерот на Северна Македонија, Христијан Мицкоски, а подоцна ќе присуствува и на бизнис-форумот Туркије - Северна Македонија.

Се очекува по форумот Болат и Мицкоски да присуствуваат на тркалезната маса на која ќе учествуваат турски договорни компании и ќе се разговара за можностите за соработка.

Во рамките на посетата состанокот на Советот на турскиот бизнис во светот – Северна Македонија со учество на турски бизнисмени што работат во Северна Македонија, ќе се организира вечера чиј домаќин е Стопанската комора на Македонија и Туркије (МАТТО).

Интензивната програма на министерот Болат има цел да придонесе за поголем развој на односите помеѓу Туркије и Северна Македонија.