Израел им забрани на Палестинците од Западниот Брег влез во „Ал Акса“

РАМАЛА

Палестинците на Западниот Брег соопштија дека израелските власти ги спречиле да влезат во Ерусалим на петочната молитва во „Ал Акса“, јавува Агенција Анадолија (АА).

Израел неодамна постави барање, оние кои сакаат да се молат во џамијата, да бидат вакцинирани против новиот коронавирус.

Во услови на недостиг на вакцина на Западниот Брег, дозите во моментов се ограничени на оние со веќе постоечки хронични заболувања и стари лица, според палестинското Министерство за здравство.

„Воените контролни пунктови на патиштата на окупираниот Западен Брег што водат кон Кудс (Ерусалим) од рано изутрина се сведоци на активно движење на Палестинците. Сепак, властите дозволија само ограничен број луѓе да влегуваат“, велат извори за АА.

Нида Абдула за АА изјави дека сите нејзини обиди да влезе во Кудс биле неуспешни.

„Од зори се обидувам да влезам во Кудс, секогаш бев спречувана од Израелската армија бидејќи сум немала дозвола“, изјави таа.

Долги години, молитвите во Џамијата „Ал Акса“ се ограничени на жителите на Источен Кудс, арапските области во Израел и на ограничен број Палестинци на Западниот Брег кои добиваат специјални дозволи, додека на жителите на Појасот Газа им е забранет пристапот.