Турската хуманитарна организација ИХХ за Авганистан: „На 18 милиони луѓе во земјата им е потребна хуманитарна помош“

КАБУЛ (АА) – МУСТАФА МЕЛИХ АХИСХАЛИ –

Муџахит Килич, одговорен на Турската хуманитарна организација (ИХХ) за Авганистан, истакна дека црвениот аларм е пуштен за милиони луѓе во Авганистан кои не можат да ги задоволат своите основни потреби, особено храна.

Муџахит за дописникот на Агенција Анадолија (АА) говореше за најновата ситуација во Авганистан и за работата на ИХХ.

„За жал, ситуацијата во Авганистан не е добра. Особено поради конфликтите во последниве години, луѓето од многу делови на земјата мораа да мигрираат во други делови на земјата. Само од јануари, бројот на луѓе што мигрираат во рамките на земјата достигна 600.000. Во последниве години, оваа бројка достигна 3.500.000 луѓе“, нагласи Муџахит.

- „Од луѓето, 75 проценти кои имаат потреба од хуманитарна помош, се жени и деца“ -

Наведувајќи дека луѓето кои морале да ги напуштат своите домови имаат големи тешкотии, Муџахит рече дека стапката на сиромаштија е зголемена низ целата земја.

„Особено за храната, многу луѓе имаат потреба од храна. Околу 18 милиони луѓе во Авганистан (со население од околу 35 милиони) имаат потреба од хуманитарна помош и основни потреби. Од 18 милиони, 14 милиони имаат недостиг на храна. Од луѓето, 75 проценти на кои им е потребна хуманитарна помош, се жени и деца. Овие луѓе страдаат од сериозни проблеми поради политичката неизвесност и економските проблеми во земјата. Зимата е пред нас и се очекува овој биланс на состојба да стане многу полош. Сликата воопшто не е добра. Авганистан е земја за која Обединетите нации (ОН) и многу меѓународни организации дадоа црвен аларм“, рече Муџахит.

- Сушата во земјата го зголеми проблемот со снабдувањето со храна -

Наведувајќи дека како единица на ИХХ во Авганистан, вовеле итен акционен план кој вклучува помош во храна, Муџахит рече:

„Со влијанието и на сушата потребата за храна на луѓето од Авганистан стана сериозна. Луѓето во Авганистан немаа продуктивна сезона на жетва, а пред нив е зимата. Ова значи дека билансот на состојба е многу потежок.“

Посочувајќи дека протокот на пари во земјата е намален поради суспендирање или замрзнување на авганистанските средства во странство, Муџахит рече дека поради тоа цените се многу високи и луѓето имаат потешкотии со снабдување на храна.

- Состојбата во болниците не е добра -

Наведувајќи дека и здравствениот сектор е погоден од негативните услови, Муџахит рече: „На болниците им недостига дури и едноставна медицинска опрема. Здравствениот сектор во Авганистан не беше на добро ниво ниту во претходните години. Многу болници се одржуваат во зависност од меѓународната помош.“

- Активностите на ИХХ во Авганистан -

Наведувајќи дека бројот на деца без родители низ целата земја е помеѓу 500.000 и 1.000.000, Муџахид рече:

„Како ИХХ, околу две и пол години тука спроведувавме проекти во областите како што се здравство, развојна помош и поддршка на децата без родители. Во овој контекст, имаме дом за деца без родители и училишта. Како дел од спонзорскиот проект за деца без родители во Авганистан поддржуваме приближно 2.000 деца без родители. Во моментов, бројот на децата без родители во Авганистан е многу висок. Се наведува дека оваа бројка е околу 500 илјади и дека може да достигне до 1.000.000. Се обидуваме да го прошириме обемот на нашите активности за децата без родители.“