Џејдон Санчо во Борусија Дортмунд на позајмица

АНКАРА (АА) - Борусија Дортмунд објави дека играчот на Манчестер јунајтед, Џејдон Санчо, му се приклучил на германскиот клуб на позајмица, пренесува Анадолу.

Англискиот фудбалер, кој по 2,5 години се врати во германскиот бундеслигаш, во Дортмунд ќе биде до 30 јуни 2024 година.

„Кога денес влегов во соблекувалната, се чувствував како да се враќам дома“, рече Санчо.

Дваесет и тригодишниот играч, кој се префрли во англискиот премиерлигаш Манчестер јунајтед од Борусија Дортмунд на 23 јули 2021 година, беше привремено исклучен од тимот на Манчестер јунајтед во септември 2023 година.