Samiti Ndërkombëtar i Studentëve ISTSUM’25 u mbajt në Stamboll

Samiti Ndërkombëtar i Studentëve ISTSUM’25 u mbajt të shtunën në Stamboll, ku ekspertët diskutuan ndikimin e transformimit digjital te njerëzit, shoqëria dhe jeta e punës.

Me Anadolun si partner global komunikimi, aktiviteti u organizua nga Shoqata Ndërkombëtare e Studentëve “Bab-i Alem” në Qendrën Kulturore “Neslisah Sultan” me temën “Fokusohu”.

Presidenti i shoqatës, Ercan Akcan, tha se “me rreth 350 mijë studentë ndërkombëtarë sot, Turqia është bërë jo vetëm qendër arsimore, por edhe strehë e sigurt”.

“Megjithatë, për ne këto shifra nuk janë thjesht statistika. Çdo student është një ambasador nderi i Turqisë në botën e së nesërmes, një garanci për paqe dhe vëllazëri”, tha Akcan.

Ndërkohë, drejtuesja e Gjysmëhënës së Kuqe Turke në Stamboll, Burcu Kosem, i këshilloi studentët të ndjekin arsimim në fushat që lidhen me interesat e tyre dhe jo atë që u imponohet.

Ndërkaq, Prof. Sefik Suayb Arslan, drejtor i Institutit për Shkencat e të Dhënave dhe Inteligjencën Artificiale në Universitetin Bogaziçi, tha se procesi i të mësuarit “nuk përfundon kurrë”.

Koordinatori i Përgjithshëm i ISTSUM-it, Yasir Alkan, tha se njerëzit ose jetojnë me pendime për të kaluarën, ose me ankth për të ardhmen. “A je në akademi? Fokusoju punës tënde. A je në botën e biznesit? Fokusoju”, shpjegoi ai mbi moton e aktivitetit.

Samiti u mbështet nga Federata e Shoqatave Ndërkombëtare të Studentëve (UDEF), Komuna Fatih dhe Turkish Airlines, dhe u organizua me përkrahjen e Agjencisë Kombëtare Turke dhe Bashkimit Evropian.