Përleshje mes policisë dhe refugjatëve në ishullin grek Lesbos

ATHINË (AA) - Refugjatët dhe migrantët e bllokuar në ishullin grek Lesbos ndezën zjarr dhe u përleshën me policinë e cila u përgjigj me gaz lotjsjellës të martën, raporton Anadolu Agency (AA).

Sipas Theodoros Chronopoulos, zëdhënës i policisë, tensionet në kampin e refugjatëve Moria filluan herët pasdite, por shkaku mbetet i paqartë.

Policia dhe zjarrfikësit ende ndodhen në vendngjarje, tha Chronopoulos për AA.

Migrantët dhe refugjatët në kampin e mbipopulluar edhe më parë i kanë vënë zjarrin tendave dhe janë përleshur me policinë, shpesh të frustruar nga kushtet në ishull.