Afganistani liron të burgosurit pakistanezë

Presidenti i Afganistanit, Ashraf Ghani, në shenjë të vullnetit të mirë dhe forcimit të marrëdhënieve, ka marrë vendim për lirimin e të burgosurve pakistanezë në këtë vend, raporton Anadolu Agency (AA).

Sipas vendimit të presidentit, të burgosurit nga Pakistani që u ka mbetur edhe një muaj në burg ose ata që vuajnë dënim me burg për mospagim të një gjobe do të lirohen.

Përfaqësuesi Special i Pakistanit për Afganistanin, Muhammad Sadik, shprehu kënaqësinë me vendimin e tij në llogarinë e tij në Twitter.

"Pakistani i është mirënjohës presidentit Ashraf Ghani për vendimin për lirimin e të burgosurve pakistanezë me qëllim forcimin e marrëdhënieve midis Afganistanit dhe Pakistanit", tha Sadik.

Vendimi vijoi pas vizitës njëditore të kryeministrit pakistanez Imran Khan.