Aliyev: Flamuri i Azerbajxhanit u vendos në vendbanimin e pushtuar Madagiz

Presidenti azerbajxhanas Ilham Aliyev njoftoi se flamuri i Azerbajxhanit është vendosur në vendbanimin e pushtuar Madagiz, transmeton Anadolu Agency (AA).

"Sot, flamuri i Azerbajxhanit u vendos në Madagiz. Madagizi është i yni. Karabaku është Azerbajxhan”, shkroi Aliyev në median sociale.

Në operacionin e nisur nga ushtria azerbajxhanase për të çliruar territoret e vendit nga pushtimi armen, dje u morën nën kontroll lartësirat strategjike përreth qytezës Madagiz në provincën Agdere.