Australi, gjendet një pjesë e kapsulës SpaceX

Një pjesë e kapsulës SpaceX është gjetur në Uellsin e Ri Jugor të Australisë, transmeton Anadolu Agency (AA).

Sipas lajmit të BBC-së, fermeri australian Mick Miners, hasi në një objekt të zi në një fushë afër arës së tij dhe mendoi se mund të ishte një pemë e vjetër.

Ekspertët të cilët ekzaminuan në detaje objektin, vlerësuan se mund të bëhet fjalë për mbeturinë hapësinore.

Në njoftimin e Agjencisë Hapësinore të Australisë (ASA) thuhet se objekti ishte pjesë e kapsulës SpaceX.

Gjithashtu në njoftim u bë e ditur se objekti ka rënë më 9 korrik në arë ndërsa Miners e ka vërejtur pas disa javësh.

Përderisa ekspertët e përshkruajnë këtë zbulim si "të rrallë" dhe "ekzaltues", ata thonë se ngjarje të tilla mund të bëhen të zakonshme.