BE-ja i shpreh ngushëllime Türkiye-s për viktimat e tërmetit

Presidenti i Këshillit Evropian, Charles Michel tha se i shprehin ngushëllimet Türkiye-s për viktimat e tërmeteve me qendër në Kahramanmaraş që cilësohet si "fatkeqësia e shekullit" dhe theksoi se janë të gatshëm të mobilizojnë të gjitha mundësitë e tyre për ndihmë për të prekurit e tërmetit, transmeton Anadolu.

Fillimin e konferencën për media në përfundimin e Samitit të Liderëve të Bashkimit Evropian (BE) që u mbajt në Bruksel, Michel e ndau për tërmetet në Türkiye.

Ai përcolli ngushëllimet për personat që humbën jetën në Türkiye dhe Siri si pasojë e tërmeteve. "Dëshiroj të shpreh vendosmërinë tonë si BE dhe vende anëtare për të mbështetur të prekurit nga tërmeti dhe përpjekjet e kërkim-shpëtimit", tha Michel.

Duke rikujtuar se gjatë Samitit të Liderëve të BE-së i kanë dërguar presidentit Recep Tayyip Erdoğan një letër të nënshkruar nga liderët e vendeve të BE-së, Michel tha se janë të gatshëm të mobilizojnë të gjitha mundësitë e tyre për të ndihmuar të prekurit nga tërmeti.

Ai potencoi se së shpejti në Bruksel do të organizojnë një konferencë donatorësh për ndihmë ndaj të prekurve nga tërmeti.

Liderët e vendeve të BE-së e filluan mbledhjen e samitit në Bruksel me një minutë heshtje në nder të personave që humbën jetën nga tërmetet. Liderët nënshkruan dhe dërguan një letër drejtuar presidentit Erdoğan në të cilën i përcollën ngushëllimet e tyre dhe shprehën mesazh solidariteti.