Ahmet Gürhan Kartal
11 Nëntor 2016•Përditësim: 11 Nëntor 2016
LONDËR (AA) - Disa anëtarë të Parlamentit të Britanisë së Madhe thanë se është e mundur që të votojnë kundër largimit të Britanisë së Madhe nga anëtarësimi në Bashkimin Evropian (Brexit), raporton Anadolu Agency (AA).
Tim Farron, kreu i Liberal Demokratëve, partisë së katërt politike në Dhomën e Përfaqësuesve të parlamentit britanik, deklaroi sot se tetë deputetët e tij mund të votojnë kundër aktivizimit të nenit 50 të Traktatit të Lisbonës të vitit 2007, me të cilin fillon procedura për daljen e shtetetve anëtare të Unionit.
"Miliona njerëz janë të shqetësuar për shkak të veprimeve të qeverisë në lidhje me Brexit-in", tha Farron dhe shtoi: "Pra, qëndrimi im është shumë i qartë: Liberal Demokratët besojnë se njerëzit janë sovran".
Farron tha se partia e tij do të kërkojë një referendum të ri në Britani të Madhe në lidhje me ndonjë marrëveshje të ardhshme në lidhje me Brexit pas aktivizimit të nenit 50.
"Ne do të votojnë kundër nenit 50, vetëm nëse ai i lejoi njerëzit të votojnë për marrëveshjen sepse vullneti i popullit duhet të mbizotërojë edhe në lidhje me largimin dhe në lidhje me destinacionin", shtoi ai.
