Caktohet data për zgjedhjet presidenciale në Francë

PARIS (AA) - Caktohet data e zgjedhjeve presidenciale në Francë që do të mbahen vitin e ardhshëm, raporton Anadolu Agency (AA).

Në një deklaratë me shkrim nga Këshilli i Ministrave, u njoftua se Ministria e Punëve të Brendshme e ka caktuar datën e zgjedhjeve presidenciale dhe parlamentare për Kuvendin Kombëtar.

Sipas kësaj, raundi i parë i zgjedhjeve presidenciale do të mbahet më 23 prill të vitit 2017, ndërsa raundi i dytë më 7 maj 2017.

Zgjedhjet në të cilat do të caktohen 577 deputetë të Kuvendit Kombëtarë do të mbahen më 11-18 qershor.

Sipas anketave të opinionit aktuale, liderja e partisë Fronti Kombëtarë Marin Le Pen, mund të kalojë në raundin e parë të zgjedhjeve presidenciale.

Nga ana tjetër anketat tregojnë se mbështetja e popullit ndaj liderit të Partisë Socialiste, François Hollande, ditët e fundit ka rënë deri më 13 përqind.