Etiopi, 525 persona të infektuar nga kolera

Të paktën 525 persona janë infektuar me bakteren e kolerës në Etiopi, njoftuan burimet shëndetësore të vendit, transmeton Anadolu Agency (AA).

Instituti i Shëndetit Publik i Etiopisë konfirmoi se 16 persona kanë humbur jetën nga kjo sëmundje infektive e shkaktuar nga bakteri Vibrio.

Epidemia vdekjeprurëse ka shpërthyer në shtetet rajonale Oromia, Amhara dhe Tigray, si dhe në zonën administrative të kryeqytetit Addis Abeba.

Shumica e viktimave janë regjistruar në Amhara, me 14 persona, ka thënë zëvendësdrejtori i institutit Beyene Moges në një konferencë shtypi, raportoi transmetuesi lokal FANA.

Beyene gjithashtu u citua të ketë thënë se 19 mostra janë ekzaminuar në një laborator për të përcaktuar shkaqet.

Sipas FANA-s, në zonat e prekura janë dërguar furnizime mjekësore.

Kolera është një sëmundje ngjitëse epidemike akute dhe karakterizohet me diarre, humbje ekstreme të lëngjeve dhe elektroliteve dhe dehidrim të rëndë.