Forcat izraelite bastisje në Bregun Perëndimor

NABLUS (AA) – Gjatë të shtënave të forcave izraelite në Nablus, në Bregun e pushtuar Perëndimor, sot në mëngjes është plagosur një palestinez.

Dhuna filloi kur forcat izraelite kryen bastisje në shumë shtëpi të qytetit të vjetër Nablus, raporton korrespondenti i Anadolu Agency (AA).

Sipas dëshmitarëve, forcat izraelite kanë përdorur municion luftarak dhe plumba gome për shpërndarjen e protestuesve të cilët hidhnin gurë.

Ushtria izraelite shpesh herë kryen fushata arrestimi në mbarë Bregun Perëndimor që është nën pushtim të Izraelit, nën arsyetimin se kërkojnë palestinezët “me fletarrest”.