Francë, deputetët ambientalistë akuzojnë Macronin se "nuk e kupton ngrohjen globale"

Fotot e presidentit francez, Emmanuel Macron duke përdorur një 'jetski' gjatë pushimeve shkaktuan reagimin e deputetëve ambientalistë, transmeton Anadolu Agency (AA).

Deputetët e Partisë Evropiane të Ekologjisë dhe Lëvizjes së Gjelbër (EELV) deklaruan se Macron kreu një krim duke përdorur një 'jetski'.

Pas publikimit të fotove të presidentit nga revista "Voici", anëtarja e EELV, Sandrine Rousseau ka reaguar ndaj presidentit Macron.

Rousseau tha se Macron, i cili u pa duke përdorur një 'jetski' në vitin 2020 nuk e kupton ngrohjen globale duke përdorur një 'jetski' jashtë kështjellës Brégançon, pranë Toulon, ku ai kaloi pushimet edhe javën e kaluar.

Rousseau në një postim në Twitter tha se fotot konfirmojnë perceptimin e Macronit se ai nuk e kupton ngrohjen globale, duke thënë: "Ky është një krim".

Kryetari i EELV, Julien Bayou komentoi se publikimi i fotove të revistës "Paris Match" të Macronit duke përdorur një kanoe gjatë pushimeve të tij javën e kaluar kishte për qëllim ta bënte publikun të harronte mosveprimin e qeverisë ndaj ngrohjes globale.

Në rrjetet sociale u komentua se Macron kreu një krim duke përdorur një 'jetski' në zonën e ndaluar.

Macron u pa gjithashtu duke përdorur një 'jetski' gjatë pushimeve të tij në verën e vitit 2018 dhe 2020.