Alaattin Doğru
21 gusht 2023•Përditësim: 22 gusht 2023
Arrihet të shuhet pas 7 ditësh zjarri i cili shkaktoi dëmtimin e një sipërfaqeje prej rreth 500 hektarësh pyjore në rajonin e Pyrenees Qendrore në jug të Francës, transmeton Anadolu.
Në një deklaratë nga administrata e zjarrfikësve të Pyrenees Qendrore, njoftohet se që nga nata është shuar plotësisht zjarri i cili filloi më 14 gusht në vendbanimin Argeles-sur-Mer në Pyrenees Qendrore dhe i cili dogji një sipërfaqe të gjelbër prej rreth 500 hektarësh, duke përfshirë dhe një kamp.
Në deklaratë bëhet e ditur se për ndërhyrjen ndaj zjarrit u mobilizuan rreth 500 punonjës zjarrfikës.
Në anën tjetër Administrata Meteorologjike e Francës për shkak të të nxehtit përvëlues duke dhënë alarmin portokalli, paralajmëroi kundër rrezikut të zjarrit.
Zjarri u arrit të vendoset nën kontroll në ditën e tretë
Për shkak të zjarrit në vendbanimin Argeles-sur-Mer në rajonin e Pyrenees Qendrore në jug të Francës dhe i cili u përhap në rajonet Saint-Andre dhe Sorede, u evakuuan 3 mijë persona në rajon si dhe u dëmtuan nga flakët dhe tymi mbi 50 persona përfshirë 20 zjarrfikës.
Vihet në dukje se zjarri u arrit të vendoset nën kontroll vetëm në ditën e tretë.
