Gjashtë milicë të Haftarit në bazën Al-Watiya dorëzohen tek ushtria e Libisë

Milicët e Khalifa Haftarit që ndodhen në bazën ajrore AL-Watiya në jugperëndim të kryeqytetit Tripoli të Libisë, kanë filluar të dorëzohen tek ushtria e Libisë, transmeton Anadolu Agency (AA).

Në një deklaratë me shkrim nga Qendra për shtyp e operacionit "Burkan Al-Ghadab", të qeverisë libiane, thuhet se "Gjashtë milicë të Khalifa Haftarit në bazën ajrore AL-Watiya janë dorëzuar tek njësitë e ushtrisë së Libisë nën komandën e gjeneral-major Osama al-Juwaili të cilët ndodhen në rajon".

Ushtria libiane ka rrethuar plotësisht rajonin në kuadër të operacionit që filloi të martën e kaluar.

Gjithashtu ushtria libiane mori kontrollin në disa rajone të bazës pas operacionit "Stuhia e Paqes" që filloi më 25 mars.