Mehmet Hatipoğlu
06 dhjetor 2019•Përditësim: 07 dhjetor 2019
Greqia ka marrë vendimin të dëbojë ambasadorin libian në Athinë, pas marrëveshjes që Libia nënshkroi me Turqinë për kufizimin e zonave të juridiksionit detar në Mesdheun Lindor, transmeton Anadolu Agency (AA).
Ministri i Punëve të Jashtme i Greqisë, Nikos Dendias, tha se pasi ka thirrur në Ministrinë e Punëve të Jashtme ambasadorin libian, qeveria greke e ka njoftuar ambasadorin për këtë vendim dhe se ambasadori ka një afat prej 72 orëve për t'u larguar nga vendi.
Vandimi tregon pakënaqësinë e Greqisë ndaj qeverisë së Tripolit, theksoi Dendias, duke shtuar se ky hap është hedhur për shkak se Libia nuk ka respektuar rregullat e vendosura nga Greqia.
Ndërkohë Dendias, ka tërhequr vëmendjen se vendimi për dëbimin nuk nënkupton ndërprerjen e marrëdhënieve diplomatike me Libinë.
Dendias më parë i kishte dhënë afat Libisë deri ditën e premte për t'i përcjellë atyre tekstin e marrëveshjes, në të kundërt ambasadori libian në Athinë do të dëbohej.
