Irak, 1.000 militantë të DEASH-it janë vrarë në betejën e Mosulit

NINEVEH, (AA) – Rreth 1.000 militantë të DEASH-it janë vrarë gjatë më shumë se dy muaj luftime në qytetin e vjetër të Mosulit, sipas një komandanti të lartë të policisë irakiane, raporton Anadolu Agency (AA).

Në një njoftim të publikuar sot, kreu i policisë federale, gjeneral-lejtnant Raed Jawdat, tha se forcat irakiane kanë shkatërruar shumë bomba dhe raketa të DEASH-it gjatë luftimeve.

Në njoftim, megjithatë, nuk jepen detaje rreth humbjeve të forcave irakiane në betejë.

Herët gjatë ditë së sotme një oficer i policisë irakiane tha se të paktën 23 ushtarë u vranë në përleshjet me terroristët e DEASH-it në qytetin e vjetër të Mosulit, gjatë dy ditëve të fundit.

Që nga tetori, forcat irakiane, të mbështetura nga koalicioni ajror i udhëhequr nga Shtetet e Bashkuara të Amerikës (SHBA) po përpiqen të largojnë DEASH-in nga Mosuli, bastioni i fundit i grupit terrorist në Irakun e veriut.