Irak, 3 dronë godasin kampin e një grupi opozitar iranian në Erbil

Autoritetet në rajonin kurd të Irakut thanë të hënën se tre dronë goditën kampin Azadi, të lidhur me Partinë Demokratike të Kurdistanit Iranian (PDKI), në Erbil, transmeton Anadolu.

Agjencia e sigurisë së Qeverisë Rajonale Kurde (KRG) tha se sulmi goditi kampin në distriktin Koy Sanjaq, në juglindje të qytetit Erbil, në orët e para të mëngjesit, sipas rrjetit lokal mediatik Rudaw.

Mediumi, duke cituar një burim të paidentifikuar të partisë, tha se dronët e përdorur në sulm ishin të prodhimit iranian.

Sulmi shkaktoi dëme materiale në vendngjarje, por nuk pati viktima, tha burimi.

Nuk u dhanë detaje se kush e kreu sulmin.

I njëjti kamp ishte shënjestruar më parë nga dronë në qershor dhe prill, në mes të përshkallëzimit rajonal që nisi me sulmet amerikano-izraelite ndaj Iranit në shkurt.