Irak, gjatë tre ditëve të fundit vriten 75 terroristë të DEASH-it

BAGDAD (AA) – Forcat e bashkuara irakiane janë duke avancuar në operacionin e çlirimit të fortesave të fundit të terroristëve të DEASH-it në luginën e Eufratit, në perëndim të Irakut, raporton Anadolu Agency (AA).

Zyrtari i forcave të bashkuara irakiane, Yahya Rasul, tha për AA se gjatë tre ditëve të fundit të operacioneve janë vrarë së paku 75 terroristë të DEASH-it, dhe se forcat irakiane kanë çliruar periferinë dhe kanë arritur pranë qendrës së qytetit kufitar Al-Qaim.

Kryeministri i Irakut, Haidar al-Abadi, të enjten njoftoi se ka filluar operacioni i çlirimit të Al-Qaim dhe Rawe, dy qyteza në luginën e Eufratit, që shtrihen në kufirin irakiano-sirian, të cilat pas çlirimit të Mosulit, u bënë bazat kryesore të terroristëve në Irak.

Gjenerali Rasul konfirmoi se ushtria irakiane dje çliroi stacionin hekurudhor dhe urën Al-Khor në Al-Qaim.

Operacionit tokësor të forcave irakiane në Al-Qaim dhe Rawi i paraprinë sulme të ashpra ajrore ndaj bastioneve të terroristëve të DEASH-it.

Al-Qaim dhe Rawa janë nën kontrollin e DEASH-it nga vera e vitit 2014 dhe paraqesin njëfarë korridori mes pjesëve lindore të Sirisë dhe rajonit perëndimor të Irakut që janë nën kontroll të terroristëve.