Irak, sulm raketor në afërsi të aeroportit të Bagdatit

Sipas Rrjetit shtetëror Mediatik të Sigurisë, një raketë ka goditur një zonë pranë aeroportit të kryeqytetit irakian Bagdad, transmeton Anadolu Agency (AA).

"Një sulm raketor u krye pranë aeroportit të Bagdadit. Siç është përcaktuar, raketa u lëshua nga rajoni Arab Hudayr në jug të Bagdadit", tha rrjeti në një njoftim.

Deri më tani nuk është raportuar për viktima apo dëme materiale.

Rrjeti shtoi se forcat irakiane të sigurisë kanë nisur një operacion për të zbuluar palët përgjegjëse për "sulmin terrorist".