Iraku dënon sulmin ndaj ambasadës së tij në Zvicër

Iraku ka dënuar sulmin ndaj ambasadës së tij në Zvicër, transmeton Anadolu.

Në një deklaratë të Ministrisë së Jashtme thuhet se ndërtesa e ambasadës në kryeqytetin Bernë u shënjestrua nga “një sulm i paprecedentë” nga individë të panjohur “të cilët hynë me forcë në ndërtesë, duke shkaktuar frikë dhe panik” mes stafit dhe qytetarëve.

Në deklaratë, megjithatë, nuk specifikohet data e sulmit.

Nuk ka pasur raportime për të lënduar.

“Ne ritheksojmë dënimin tonë për këtë akt dhe të gjitha format e dhunës dhe vandalizmit që synojnë misionet diplomatike, veçanërisht ato që cenojnë sigurinë dhe shenjtërinë e tyre”, shtoi ai.

Ministria u bëri thirrje autoriteteve zvicerane të marrin të gjitha masat e nevojshme për të identifikuar autorët dhe për të sqaruar rrethanat e sulmit.

Nuk ka pasur asnjë koment nga autoritetet zvicerane për incidentin.