Iraku pezullon lutjet e së premtes në Qerbela për shkak koronavirusit

Anulohen lutjet e së premtes në Qerbela, në qytetin e shenjtë të Irakut, në kuadër të përpjekjeve për të luftuar përhapjen e koronavirusit, raporton Anadolu Agency (AA).

Zyrtarët lokalë e bënë njoftimin të enjten duke cituar "situatën aktuale të shëndetësisë në Irak".

Qerbelaja është një qytet i shenjtë për shiitët ku përfaqësuesit e klerikut Ali al-Sistani mbajtën fjalime.

Autoritetet irakiane kanë raportuar tre vdekje dhe kanë konfirmuar 35 raste të virusit, të njohur zyrtarisht si Covid-19.

Koronavirusi u shfaq në Wuhan të Kinës, dhjetorin e kaluar dhe tani është përhapur në më shumë se 80 vende.

Numri global i vdekjeve ka arritur në rreth 3.500 persona me më shumë se 92.000 raste të konfirmuara.

Organizata Botërore e Shëndetësisë, e cila tashmë ka shpallur shpërthimin e një emergjence ndërkombëtare shëndetësore, ngriti nivelin e rrezikut global në "shumë të lartë".