Ish-senatori amerikan thekson rolin e CIA-s në Bolivi

Një ish-senator amerikan në mënyrë sarkastike kritikoi CIA-n për grushtin ushtarak në Bolivi, duke lënë të kuptohet përfshirjen e SHBA-ve në rrëzimin e presidentit të zgjedhur Evo Morales të dielën, raporton Anadolu Agency (AA).

"Urime për fitoren e pushtetit në Bolivi, @CIA!", Mike Gravel shkroi në Twitter të dielën, në një goditje direkte ndaj agjencisë globale të spiunazhit.

Ish-senatori demokrat i Alaskës ka kritikuar prej kohësh politikat e SHBA-ve në Amerikën Latine.

"Gënjeshtra që do të dëgjoni 'ad nauseum' është se shtetet socialiste dështuan spontanisht, në realitet kjo ishte një përpjekje e bashkërenduar e Makinerisë Imperialiste të SHBA-ve për të shtypur çdo komb që mund t'i kundërshtojë ata sa herë që shfaqen", ka shkruar ish-senatori në Twitter në maj.

Reagimi i vetëm për zhvillimet politike në Bolivi erdhi nga kongresmenja muslimane Ilhan Omar, e cila reagoi në Twitter, duke përshkruar atë çfarë ndodhi në Bolivi si një "grusht shteti".

Omar u kërkoi ligjvënësve amerikanë që "të kundërshtojnë pa dallim dhunën politike në Bolivi".

"Është një fjalë kur Presidenti i një vendi të largohet nga ushtria. Kjo quhet grusht shteti. Bolivianët meritojnë zgjedhje të lira dhe të ndershme", shtoi demokratja Omer në Twitter.

Ish-presidenti i Bolivisë të dielën tha se kundër tij ishte lëshuar një "urdhër arresti i paligjshëm" dhe se shtëpia e tij u sulmua nga një turmë pas dorëheqjes së tij të detyruar.

Duke folur në median sociale, Morales tha se "komplotistët e grushtit të shtetit" shkatërruan tërësisht demokracinë Boliviane.

Udhëheqësi i opozitës Luis Fernando Camacho, kryetar i Komitetit Qytetar të krahut të djathtë Pro Santa Cruz, konfirmoi në llogarinë e tij në Twitter se kishte një urdhër arresti për Morales.

Ai tha se forcat e sigurisë ishin në kërkim të Morales dhe se ushtria kishte marrë aeroplanin presidencial.

Zgjedhjet presidenciale në Bolivi u mbajtën në 20 tetor, ku Morales mori 47.8 për qind të votave, duke siguruar fitoren në raundin e parë. Opozita akuzoi qeverinë për mashtrime, se bashku me disa parti që u bën thirrje mbështetësve të dilnin në rrugë.

Pasi opozita bëri thirrje për anulimin e votimeve, Morales njoftoi se do të mbahen zgjedhje të reja, por mbështetësit e opozitës thanë se do të vazhdojnë protestat derisa zgjedhjet të mbahen pa Morales.

Të dielën, Shefi i Ushtrisë Boliviane, Williams Kaliman, i bëri thirrje Morales të tërhiqet në një adresim mbarëkombëtar të transmetuar drejtpërdrejt.

Morales tha që ai dha dorëheqjen dhe se kundër tij ishte kryer "grusht shteti". Ai tha se mori vendimin për të parandaluar Camacho dhe Carlos Mesa, ish-presidentin e Bolivisë, për t'u dhënë udhëzime të tjera mbështetësve të tyre për të sulmuar bolivianët.