Konfirmohen dëshmitë se njerëzit në Amerikë erdhën më herët nga sa mendohej

Shkencëtarët njoftuan se kanë konfirmuar dëshmitë se njerëzit erdhën në Amerikë para 21 mijë deri në 23 mijë vitesh, transmeton Anadolu.

Siç njofton Shërbimi Gjeologjik i SHBA-së (USGS), më parë, provat e ekzistencës njerëzore në kontinentin amerikan treguan se ishin 14 mijë deri në 16 mijë vjet më parë.

Datimi me radiokarbon i farave në gjurmët e fosilizuara të zbuluara në shtetin amerikan të New Mexico-s në vitin 2009 zbuloi se njerëzit ishin të pranishëm në kontinent midis 21 mijë dhe 23 mijë vjet më parë.

Disa arkeologë, duke theksuar se farat e bimës ujore Ruppia cirrhosa të ekzaminuara në studim mund të tërheqin atomet e karbonit nga uji, pohuan se gjetjet mund të ishin mashtruese.

Një nga studiueset, Kathleen Springer tha se përderisa artikulli i hulumtimit po publikohej kur u gjetën fosilet për herë të parë, ata filluan të punonin për përcaktimin e moshës me metoda të tjera dhe se ishin të sigurt për moshën e gjurmëve.

Artikulli shkencor i studimit u publikua në revistën "Science".