Koreja e Jugut, mijëra njerëz në rrugë kërkojnë dorëheqjen e presidentes

SEUL (AA) – Qindra mijëra njerëz u mblodhën në qendër të Seulit duke i bërë thirrje presidentes Park Geun – Hye që të dorëhiqet, raporton Anadolu Agency (AA).

Protesta e fundjavës është protesta e katërt masive me radhë kundër Park, ndërsa organizatorët vlerësojnë se janë mbledhur rreth 500.000 persona.

Sapo filloi të errësohet, protestuesit e të gjitha sferave të jetës, njerëz familjarë, pensionistë, studentë, etj, u tubuan me pankarta në duar në sheshin qendror të qytetit Gwanghwamun, duke brohoritur me slogane me të cilat kërkojnë që Park menjëherë të braktis pozitën e presidentes së shtetit.

Më herët gjatë ditës u paraqit frika se mund të ndodhin përleshja në rrugët e Seulit, kur protestuesit u takuan me disa mijëra mbështetës të presidentes Park të cilët organizuan kundër protestë para stacionit kryesor në Seul.

Për fat të mirë të dyja palët hoqën dorë nga dhuna, e cila shpërtheu gjatë mitingut të madh në nëntor të vitit të kaluar.

Pritet që Park së shpejti mund edhe zyrtarisht të bëhet e dyshuar nga prokuroria e cila heton një varg shpërdorimesh të pretenduara të detyrës.