Krahu ushtarak i Hamasit ngre gatishmërinë ushtarake në Gaza

GAZA (AA) – Brigada Ezzedeen Al-Qassam, krahu ushtarak i lëvizjes së rezistencës palestineze, Hamas, ka alarmuar të gjithë ushtarët për gatishmëri të plotë ushtarake, raporton Anadolu Agency (AA).

Udhëheqësia e Brigadës tha se të gjithë pjesëtarët e saj janë ftuar për gatishmëri pas sulmeve gjithnjë e më të shpeshta dhe brutale izraelite në Gaza.

"Armiku duhet ta dijë se do të paguajë për krimet që bën çdo ditë mbi popullin dhe luftëtarët tanë", thuhet në njoftim.

Edhe krahu ushtarak palestinez Xhihadi Islamik më parë porositi se sulmet izraelite ndaj Gazës nuk do të mbeten pa përgjigje.

Ministria e Shëndetësisë në Gaza ka thënë se të paktën tre persona humbën jetën gjatë sulmeve artilerike të javës së kaluar të kryera nga forcat izraelite në lindje të enklavës së bllokuar palestineze.

Nga ushtria izraelite u njoftua se sulmi ishte përgjigje e sulmit të pretenduar me snajper nga Gaza në të cilin është plagosur një ushtar izraelit në kufi.

Në njoftim thuhet se objektivat e sulmit ishin bastionet e krahut ushtarak të Hamasit, dhe gjithsej, shtatë prej tyre.