Kryeministri izraelit anulon pjesëmarrjen në Samitin e Klimës në Egjipt

Kryeministri i Izraelit, Yair Lapid ka anuluar pjesëmarrjen e tij në Konferencën e 27-të të Palëve (COP27) të Konventës së Kombeve të Bashkuara (OKB) për Ndryshimet Klimatike që do mbahet në Egjipt nga 6 deri më 18 nëntor, transmeton Anadolu Agency (AA).

Sipas lajmit të transmetuesit publik izraelit (KAN) mësohet se pas tablosë që paraqitën zgjedhjet e përgjithshme të mbajtura dje, kryeministri Lapid ka anuluar vizitën e tij në Sharm El-Sheikh për të marrë pjesë në COP27.

Delegacioni i Izraelit në samit do të kryesohet nga presidenti Isaac Herzog.

Sipas rezultateve jozyrtare të zgjedhjeve në Izrael, blloku i krahut të djathtë i udhëhequr nga ish-kryeministri Benjamin Netanyahu pritet të formojë qeverinë e re.