Liderët e BE-së do të diskutojnë mbi koronavirusin nëpërmjet video konferencës

Liderët e vendeve anëtare të Bashkimit Evropian (BE), do të zhvillojnë një mbledhje nëpërmjet video konferencës lidhur me epideminë e koronavirusit të ri (Covid-19), transmeton Anadolu Agency (AA).

Presidenti i Këshillit Evropian, Charles Michel, në një deklaratë nga llogaria e tij në Twitter njoftoi se nesër nëpërmjet video konferencës do të zhvillojnë me liderët e vendeve anëtare të BE-së një mbledhje lidhur me epideminë e Covid-19.

Michel, theksoi se "Parandalimi i përhapjes së koronavirusit, sigurimi i pajisjeve mjekësore të mjaftueshme, forcimi i kërkimeve dhe kufizimi u rënies ekonomike" janë çështje me një rëndësi kyçe.

Si pasojë e Covid-19 që u shfaq në qytetin Wuhan të Kinës, numri i personave të prekur në të gjithë botën ka tejkaluar 169 mijë.