Macron merr zyrtarisht postin e presidentit të Francës

PARIS (AA) - Emmanuel Macron ka marrë detyrën e presidentit të Republikës së Francës nga paraardhësi i tij Francois Hollande dhe në këtë mënyrë u bë presidenti i tetë i shtetit, raporton Anadolu Agency (AA).

Pranimdorëzimi solemn i detyrës u bë në pallatin Elysee të Parisit, ndërsa i parapriu një takim gjysmëorësh i mbyllur mes presidentit në largim dhe atij që merr zyrtarisht, gjatë të cilit Hollande, presidentit të Macron ia dorëzoi kodet e bombave bërthamore, ndërsa supozohet se Franca posedon rreth 300 të tilla.

Macron edhe të pranishmit me duartrokitje përcollën Hollande nga pallati, ndërsa më pas reporterët fotografuan presidentin e ri francez Macron dhe zonjën e parë Brigitt Macron.

Në fjalimin inaugurues Macron tha se e ka nder të madh që të mbajë postin e njeriut të parë të Francës, por edhe i vetëdijshëm për përgjegjësitë që votuesit ia kanë dhënë.

Duke theksuar se votuesit francezë në zgjedhjet presidenciale zgjodhën shpresën, Macron tha se një Francë e tillë botës dhe Evropës i duhej më shumë se kurrë.

“Francezëve doemos duhet t’ia kthejmë vetëbesimin. Neve na takon të ndërtojmë një botë që e meritojnë të rinjtë tanë. Së bashku mund të shkruajmë faqet më të bukura të historisë sonë”, tha Macron dhe premtoi se do të reformojë Bashkimin Evropian.

Pas marrjes së postit të kreut të ri të shtetit, Macronit, 39 vjeçar iu dorëzua dekorata më e lartë shtetërore Legion d'Honneur të cilin e ka mbajtur Napoleoni.

Në solemnitetin në pallatin Elysee morën pjesë zyrtarë të lartë, ndërsa Macron në orët e pasdites në cilësinë e presidentit të ri të shtetit duhet të vendos lule në Harkun e Triumfit, ndërsa sonte do të duhet t’i drejtohet edhe opinionit në solemnitetin në pallatin e qytetit.

Emmanuel Jean-Michel Frederic Macron ka lindur në dhjetor të vitit 1977 në Amines, ndërsa si ekspert financiar më herët ka fituar edhe nofkën “Mocarti financiar”. Krahas asaj se është presidenti më i ri francez, Macron njëherësh është edhe presidenti i parë francez që i cili më parë në jetën politike nuk ka qenë deputet, as prefekt i ndonjë qyteti.