Malajzia anëtarësohet në Gjykatën Ndërkombëtare Penale

Malajzia sot u bë anëtari i ri i Gjykatës Ndërkombëtare Penale (GJNP), raporton Anadolu Agency (AA).

Qeveria e Malajzisë në dhjetor të vitit të kaluar solli vendimin për anëtarësim në Gjykatën Ndërkombëtare, kurse sot Ministria e Jashtme njoftoi se Malajzia nënshkroi Statutin e Romës duke u bërë zyrtarisht shtet anëtar i gjykatës më të lartë ndërkombëtare.

"Pas anëtarësimit në GJNP, Malajzia do të ketë një rol të rëndësishëm në ndjekjen e krimieve kundër njerëzimit", tha ministri për Burime Njerëzore i Malajzisë, M. Kulasegaran.

Malajzia kështu u bë anëtarja e 124 e GJNP-së me seli në Hagë.

Kryediplomati i Malajzisë, Seyfeddin Abdullah, paralajmëroi se Malajzia së shpejti do të ndërmarrë një iniciativë që para GJNP-së të nisin proceset gjyqësore të dhunës dhe pastrimit etnik që kanë ushtruar autoritetet e Mianmarit ndaj muslimanëve Rohingya.