Marina tuniziane shpëton 163 azilkërkues

Marina tuniziane shpëtoi 163 azilkërkues në një varkë në brigjet e qytetit Sfax, transmeton Anadolu Agency (AA).

Në mesin e azilkërkuesve ishin 9 gra dhe 16 fëmijë, njoftoi të dielën agjencia zyrtare tuniziane e lajmeve TAP, duke cituar një deklaratë të Ministrisë së Mbrojtjes.

Shpëtimi ishte pjesë e një operacioni të përbashkët me rojet bregdetare tuniziane ndërsa 162 nga migrantët ishin tunizianë dhe një maroken, tha ministria.

Sfax, i vendosur në bregun lindor të vendit, është një pikë kyçe nisjeje për migrantët që synojnë të shkojnë në Evropë.

Autoritetet tuniziane ndalojnë tentativat për migrim të paligjshëm pothuajse çdo ditë dhe arrestojnë qindra migrantë të parregullt.