Mbi 41,000 anije kaluan përmes Bosforit në vitin 2019

Sipas të dhënave zyrtare gjithsej 41.112 anije kanë kaluar përmes ngushticës së Stambollit të Turqisë, e njohur si Ngushtica e Bosforit, në vitin 2019, raporton Anadolu Agency (AA).

Numri i anijeve që përdorin ngushticën është i pandryshuar me shifrat e vitit të kaluar 41,103, njoftoi Ministria e Transportit dhe Infrastrukturës së vendit.

Gjithsej 638.9 milionë ton bruto ngarkesë kaluan përmes ngushticës gjatë vitit të kaluar, nga 613.08 milionë ton bruto në vitin 2018.

Rreth 26.632 anije kaluan përmes Ngushticës së Bosforit me një pilot porti në vitin 2019.

Ngushtica ka regjistruar rreth 317 anije mbi 300 metra të gjata gjatë periudhës së njëjtë.

Ndërtimi i mega-projektit të Kanalit të Stambollit në Turqi, me një kapacitet ditor të kalimit të anijeve prej 185, pritet të fillojë në vitin 2020 dhe të përfundojë në vitin 2025-2026.

Kanali i planifikuar 45 kilometra do të ndërtohet në perëndim të qendrës së qytetit në anën evropiane të provincës së Stambollit.

Turqia synon të parandalojë rreziqet e paraqitura nga anijet që transportojnë dërgesa të rrezikshme përmes Ngushticës së Bosforit.

Ngushtica tjetër e vendit, Çanakkala, gjithashtu u kalua me 43.759 anije në vit, me një ulje nga 43,999.

Rreth 14,771 anije ngarkesash të përgjithshme dhe 9.304 cisterna kanë kaluar nëpër ngushticën e Çanakkalasë brenda vitit.