Një tërmet 5.7 ballë godet Indonezinë

Pjesa lindore e Indonezisë është goditur nga një tërmet me magnitudë 5.7 ballë, transmeton Anadolu Agency (AA).

Shërbimi Gjeologjik i SHBA-së (USGS) njoftoi se epiqendra e tërmetit ishte rreth 158 kilometra nga fshati Laikit në shtetin e Sulawesi-t të Veriut.

Është bërë e ditur se tërmeti ka ndodhur rreth 30 kilometra nën det dhe se nuk ka pasur viktima në njerëz e as dëme materiale.

Instituti i Meteorologjisë, Klimatologjisë dhe Gjeofizikës i Indonezisë tha se gjasat janë të vogla që tërmeti të shkaktojë cunami.