Një ushtar ukrainas humb jetën në sulmin e separatistëve pro-rusë në Donbas

Një ushtar ukrainas ka humbur jetën si pasojë e zjarrit të hapur dje nga separatistët pro-rusë në rajonin Donbas në lindje të Ukrainës, transmeton Anadolu Agency (AA).

Në një deklaratë nga Forcat e Armatosura të Ukrainës thuhet se separatistët pro-rusë dje kanë shkelur 4 herë armëpushimin.

Më tej thuhet se separatistët pro-rusë hapën zjarr në zonat Shumi, Marinka, Avdiivka, Novotroitsk dhe se si pasojë e sulmeve ka humbur jetën një ushtar ukrainas.

Sipas deklaratës sot nuk ka pasur shkelje të armëpushimit.

Kriza në Donbas

Në kryeqytetin e Ukrainës, Kiev në nëntor 2013 filluan protestat pasi presidenti i atëhershëm ukrainas, Viktor Yanukoviç nuk nënshkroi marrëveshjen për Asociim të Bashkimit Evropian (BE).

Pasi Yanukoviç u largua nga vendi në shkurt 2014 pas rritjes së protestave, separatistët pro-rusë në qytetet Donetsk dhe Lugansk të rajonit Donbas në lindje të vendit shpallën të ashtuquajturën pavarësinë e tyre.

Në konfliktet që vazhdojnë që nga viti 2014 mes qeverisë së Kievit dhe separatistëve, kanë humbur jetën mbi 13 mijë persona.