Mahmut Geldi
07 Dhjetor 2018•Përditësim: 08 Dhjetor 2018
BEJRUT (AA) - Forcat Paqeruajtëse të Kombeve të Bashkuara në Liban (UNIFIL) konfirmuan ekzistimin e tunelëve që u zbuluan më herët nga ushtria izraelite, që ndodhen pranë vijës së kaltër ndarëse midis Libanit dhe Izraelit, raporton Anadolu Agency (AA).
OKB thotë se ka marrë të gjitha masat e nevojshme për të zgjidhur problemin sa më parë që të jetë e mundur, duke thënë se do të diskutojë gjithashtu edhe me autoritetet libaneze.
Gjithashtu theksohet se sot zona kufitare në veri të Izraelit u vizitua nga komandanti i UNIFIL-it gjenerali Stefano Del Col me bashkëpunëtorët e tij.
"Është shumë e rëndësishme që plotësisht të sqarojmë këtë situatë të rrezikshme", thuhet në deklaratë.
Para njoftimit të UNIFIL, Izraeli paralajmëroi Libanin dhe OKB-në për ekzistencën e tunelit që, siç thanë ata, terroristët hyjnë në territorin izraelit.
Zyrtarët izraelitë kanë kërkuar që Libani dhe OKB-ja të shkatërrojnë tunelet, të cilat besohet se i kanë hapur pjesëtarët e Hezbollahut.
Libani do të paraqesë ankesë në OKB kundër Izraelit
Libani planifikon të paraqesë ankesë kundër Izraelit në OKB për shkak të një fushate diplomatike dhe politike për t'u përgatitur për një sulm ndaj saj.
"Ministri i Jashtëm, Gebran Bassil i ka dërguar udhëzime përfaqësueses së përhershëme libaneze në OKB, ambasadores Amal Mudallali për të paraqitur ankesë", tha Ministria e Jashtme libaneze.
Ministria thotë se Izraeli ka "thyer" rrjetin kombëtar të komunikimit dhe u dërgoi mesazhe telefonike të regjistruara banorëve të fshatit Kfar Kila, përmes të cilëve u paralajmëruan se territori libanez mund të bombardohej dhe se jetët e tyre mund të rrezikohen.
Më herët të martën, ushtria izraelite filloi një aksion për të "zbuluar dhe mbyllur" tunelet ndërkufitare që Hezbollahu kishte gërmuan përgjatë kufirit me Libanin.
Izraeli nisi një luftë kundër Hezbollahut në vitin 2006, gjatë së cilës u vranë të paktën 1.200 njerëz, kryesisht civilë libanezë.
