"Parisi në krye të metropoleve më të fuqishme turistike në botë"

Kryeqyteti i Francës, Parisi, u rendit i pari ndër qytetet turistike më të fuqishme dhe më të rëndësishme në botë në hulumtimin e kryer nga Këshilli Botëror i Udhëtimit dhe Turizmit (WTTC), transmeton Anadolu Agency (AA).

Televizioni francez BFMTV publikoi rezultatet e hulumtimit të kryer nga WTTC, organizata lider në industrinë e udhëtimeve, mbi metropolet më të fuqishme në fushën e turizmit në botë.

Sipas këtyre të dhënave, Parisi ishte një nga qytetet turistike më të fuqishme dhe më të rëndësishme në botë, duke marrë parasysh biletat e muzeut, rezervimet e hoteleve dhe shpenzimet turistike si dhe turistët e ardhur.

Shpenzimet e turistëve që erdhën në Paris në vitin 2022 kaluan mbi 35 miliardë dollarë.

Pavarësisht se janë ndërtuar pak objekte të reja sportive përpara Lojërave Olimpike 2024 që do të zhvillohen në Paris, janë bërë investime të konsiderueshme në infrastrukturë dhe në sigurinë e qytetit për të përballuar turistët që vijnë.

Në renditjen e WTTC-së, pas Parisit, ndër qytetet turistike më të rëndësishme në botë renditen Pekini, Londra dhe New Yorku.