Policia e Parisit largon një tjetër kamp emigrantësh të improvizuar

PARIS (AA) - Policia franceze dëboi rreth 1,000 emigrantë dhe refugjatë të premten nga një kamp i improvizuar në zonën Porte de la Chapelle të Parisit, raporton Anadolu Agency (AA).

Qarku në fjalë është një nga destinacionet kryesore për emigrantët dhe refugjatët sapo të mbërrijnë në kryeqytetin e Francës.

Policia e prefekturës së Parisit tha se emigrantët, kryesisht nga Sudani, Eritrea, Afganistani dhe vende të tjera të shkatërruara nga lufta, do të zhvendosen në 18 rajone të Francës.

Qindra policë morën pjesë në operacion, ndërsa të pranishëm ishin edhe ekipet e emergjencave.

Që nga evakuimi e kampit "Xhungla" në Calais në tetor, Parisi është bërë zona e re tranzit për një numër të madh emigrantësh dhe refugjatësh që kërkojnë azil.