Ekip
29 Gusht 2017•Përditësim: 29 Gusht 2017
ZAMBOANGA CITY (AA) – Presidenti i Filipineve, Rodrigo Duterte, kritikoi raportuesen speciale të OKB-së mbi ekzekutimet arbitrare që thirren nga Franca, Agnes Callamad, e cila së fundmi kërkoi nga qeveria filipinase që vdekja e studentit 17 vjeçar të jetë vdekja e fundit në fushatën administrative kundër drogave ilegale të presidentit filipinas, raporton Anadolu Agency (AA).
“Tregoni asaj. Mos më kërcënoni mua. Ajo është budalla. Nga vjen ajo?”, tha Duterte mëngjesin e të hënës duke iu drejtuar raportueses speciale të OKB-së, e cila ka kritikuar në mënyrë të vazhdueshme luftën brutale të Duterte-s kundër drogës dhe ka shprehur shqetësim për rastet në rritje të vrasjeve jashtëgjyqësore në vend.
Duke iu përgjigjur thirrjes së Callamad-it, Duterte tha se vdekjet e lidhura me drogën ndodhin kudo, duke përfshirë Francën, si dhe shtoi se “Filipinet nuk janë nën juridiksionin francez”.
"Frëngjisht? Lëreni të shkojë në shtëpi atje ku arrestohet një person pothuajse për një kohë të pacaktuar nga ligji francez. Dhe, ligji francez thotë se je fajtor, duhet të provosh pafajësinë tënde. Këtu, supozimi është që ju jeni të pafajshëm”, tha Duterte.
Vrasja e studentit Kian Loyd Delos Santos, më 17 gusht të këtij viti, shkaktoi zemërim mbarëkombëtar, pasi u tërhoq nga zyrtarët policorë në një rrugicë në Manila dhe u qëllua në kokë. Në procesionin e tij të funeralit morën pjesë mbi një mijë njerëz.
Lufta agresive e administratës ndaj drogës, e cila ka rezultuar në mijëra vrasje, është dënuar nga avokatë të ndryshëm të të drejtave të njeriut jo vetëm nga vendi, por edhe nga jashtë.
“Nëse ai reziston dhe është i dhunshëm, ju jeni të lirë të vrisni idiotët”
Presidenti Duterte, ditën e djeshme, pasi e nderoi me një medalje shtetërore, i tha inspektorit të policisë, Jovie Espenido, se ai “ishte i lirë të vriste idiotët” që i rezistojnë arrestimit.
“Detyra juaj ju kërkon që të mposhtni rezistencën e personit që po arrestoni. Nëse ai reziston dhe është i dhunshëm, ju jeni të lirë të vrisni idiotët. Ky është urdhri im për ju”, i tha Duterte oficerit.
Espenido aktualisht është shefi i policisë në qytetin jugor filipinas, Ozamiz, ku ai në muajin korrik udhëhoqi operacionet kundër drogës që shpien në të shtënat fatale të kryetarit të bashkisë, si dhe 14 të dyshuar të tjerë, përfshirë edhe gruan e tij, si dhe rezultoi me burgimin e vajzës së kryetarit të bashkisë dhe vëllait të saj.
Përveç kësaj, nën vëzhgimin e Espenido-s nëntorin e kaluar u arrestua edhe kryetari i bashkisë Albuera, i dyshuar i drogës i cili më vonë u vra në një shpërthim të dyshuar brenda një burgu provincial.
Çmimi i ndarë për Espenido-n është për “shërbimin e tij të jashtëzakonshëm për suksesin e një aktiviteti në përputhje me fushatët e presidentit”. (Fushata e Duterte-s në luftën kundër drogës).
