Princi saudit Muhammed vizitë në Kajro

KAJRO (AA) – Princi saudit i kurorës Muhammed bin Salman nesër udhëton për vizitë treditore zyrtare në Egjipt, raporton Anadolu Agency (AA).

Në ditën e parë të vizitës princi Muhammed do të takohet me kreun e kishës koptike egjiptiane Tawadros II.

Në janar të vitit të kaluar, princi Muhammed u promovua si princi i parë i kurorës në Arabinë Saudite, dhe kjo do të jetë vizita e parë në Kajro në këtë cilësi.

Janë paralajmëruar edhe takime me zyrtarë të lartë egjiptianë.

Ky do të jetë takimi i dytë i prijësit të Kishës Koptike Towardos II me zyrtarët më të lartë të monarkisë saudite, pasi ai u takua me mbretin saudit Salman në prill të vitit 2016 në Kajro.

Të krishterët koptikë përbëjnë mes 10 dhe 15 për qind të popullatës së përgjithshme egjiptiane, e cila numëron rreth 100 milionë banorë.