Putin dhe kryeministri armen diskutojnë për situatën në Karabak

Presidenti i Rusisë, Vladimir Putin zhvilloi bisedë telefonike me kryeministrin armen, Nikol Pashinyan në lidhje me situatën në Karabak, transmeton Anadolu.

Në një deklaratë nga Pallati i Kremlinit thuhet se gjatë bisedës u diskutua zbatimi i marrëveshjeve të nënshkruara nga krerët e Rusisë, Azerbajxhanit dhe Armenisë në vitin 2020 dhe 2022, përfshirë hapat për të garantuar sigurinë dhe stabilitetin në kufirin Azerbajxhan-Armeni, rivendosjen e lidhjeve ekonomike dhe transportuese dhe përgatitjen e një marrëveshjeje paqeje midis Azerbajxhanit dhe Armenisë.

Në bisedën ku është diskutuar edhe për situatën në Karabak, Putin tha se "Të gjitha problemet e shfaqura duhet të zgjidhen në mënyrë konstruktive, në kontakt të ngushtë dhe ndërveprim me paqeruajtësit rusë".