Putin ka dhënë urdhër për "pauzë humanitare" në Gutën Lindore

MOSKË (AA) – Ministri i Mbrojtjes së Rusisë, Sergey Shoygu bën të ditur se presidenti i Rusisë Vladimir Putin ka dhënë urdhër për “pauzë humanitare” në Gutën Lindore në Siri, raporton Anadolu Agency (AA).

• Këshilli i Sigurimit të OKB-së merr vendim për "armëpushim humanitar" një mujor në Siri
• Jaafari, "makina e gënjeshtrave" të Asadit, gënjen për Gutën Lindore
• Regjimi i Asadit sulmon me armë kimike Gutën Lindore
• "Persekutimi sot është bërë sërish modë"

“Në drejtim të urdhrit në fjalë me qëllim të mospërjetimit të humbjeve civile duke filluar nga nesër çdo ditë mes orës 09:00 dhe 14:00 do të jepet pauzë humanitare”, tha Shoygu.

Ai në një deklaratë në kryeqytetin rus Moskë rikujtoi se vendimi për armëpushim në Siri është miratuar nga Këshilli i Sigurimit të Kombeve të Bashkuara (KS-OKB).

Sipas tij, pas rezolutës së OKB-së Putin ka dhënë urdhër për pauzë humanitar në Gutën Lindore. Shoygu tha se për largimin e civilëve nga rajoni do të formohet një korridor humanitar.

Me projekt-rezolutën e miratuar nga KS-OKB-ja me një votim unanim u vendos që të ketë të paktën një muaj armëpushim humanitar për dërgimin e ndihmave humanitare në Siri dhe veçanërisht për evakuimin e njerëzve të sëmurë dhe të plagosur rëndë në Gutën Lindore e cila gjendet nën rrethimin e regjimit.

Në vendim kërkohet dërgimi në mënyrë të "sigurtë, pa pengesë dhe të vazhdueshme" i ndihmave humanitare në të gjithë Sirinë dhe ndalimin për të paktën 30 ditë të konflikteve "pa vonesë" nga të gjitha palët për evakuimin e "të sëmurëve dhe të plagosurve rëndë".