Rusi, mbi 230 mijë të shëruar nga COVID-19

Numri i pacientëve të shëruar nga COVID-19 në Rusi tejkaloi shifrën 230 mijë, transmeton Anadolu Agency (AA).

Gjithsej 230.688 persona u trajtuan me sukses nga COVID-19, përfshirë 3.957 të liruar nga spitalet gjatë 24 orëve të fundit, tha ekipi i urgjencës së këtij vendi në një raport të përditshëm.

Ndërkohë, 8.985 raste tjera u regjistruan në Rusi gjatë ditës së kaluar, duke arritur shifrën në 476.658, thuhet më tej.

Vdekjet janë në nivelin më të ulët që nga 25 maji, me 112 viktima nga dje, duke rritur numrin në 5.971.

Në fund të majit, qeveria ruse filloi të heqë kufizimet brenda vendit, duke thënë se situata është stabilizuar dhe ka vazhduar masat e rimëkëmbjes ekonomike.