Recep Şakar
15 Prill 2022•Përditësim: 19 Prill 2022
Autoritetet në Fixhi kanë sekuestruar përkohësisht jahtin luksoz të oligarkut rus Suleyman Kerimov, raportuan mediat lokale sot, transmeton Anadolu Agency (AA).
Superjahti Amadea, me vlerë rreth 325 milionë dollarë, u ankorua në qytetin port Lautoka të martën, sipas të përditshmes "Fiji Sun".
Policia nisi një hetim dhe po punon "me homologët e tyre të huaj" për hetimin, thuhet në lajm.
"Jahti u bastis nga policia në kuadër të hetimit", tha shefi i policisë Sitiveni Qiliho, duke shtuar se kapiteni dhe ekuipazhi i anijes janë ndaluar.
Ai tha se anija do të lejohet të largohet nga Fixhi vetëm pasi të përfundojë hetimi.
Kerimov, që besohet të jetë i afërt me presidentin rus Vladimir Putin, është në mesin e disa oligarkëve rusë të sanksionuar nga SHBA-ja, BE-ja dhe Britania për luftën në Ukrainë.
Sipas Forbes, ai ka një pasuri neto prej 14,5 miliardë dollarësh dhe është personi i nëntë më i pasur në Rusi.
