Shpërthen vullkani Sinabung në Indonezi

Vullkani Sinabung në ishullin Sumatra të Indonezisë sërish sot ka shpërthyer, theksuan autoritetet lokale, raporton Anadolu Agency (AA).

Aktiviteti vullkanik filloi në orët e mëngjesit, tha për AA, zyrtari i Qendrës për Vullkanologji.

"Hiri u ngrit në 5 kilometra mbi majën e malit ose 7,4 kilometra mbi nivelin e detit", tha zyrtari që foli në kushte anonimiteti.

Sipas zyrtarit, vargu i hirit të trashë në gri ka tendencë të lëviz drejt lindjes dhe juglindjes.

Autoritetet kanë lëshuar një paralajmërim të nivelit-3 për të monitoruar vullkanin. Qendra gjithashtu paralajmëroi banorët dhe vizitorët të qëndrojnë 3 kilometra larg nga krateri aktiv.

Të shtunën e kaluar, vullkani shpërtheu, duke nxjerrë hi dhe tym 2.000 metra mbi kraterin e tij.