Sulm me bombë në Azez, një i vdekur dhe disa të plagosur

AZEZ (AA) - Në qytezën Akterin të qytetit verior të Sirisë, Azez, është kryer një sulm me autobombë, raporton Anadolu Agency (AA).

Në sulmin e ndodhur në zonën ku gjenden ndërtesat e qeverisjes lokale, jetën humbi të paktën një civil, ndërsa u plagosën 23 të tjerë.

Sipas gazetarit të AA-së nga vendi i ngjarjes, nga shpërthimi janë dëmtuar ndërtesat përreth, ndërsa disa automjete janë djegur.

Forcat e sigurisë rritën masat e sigurisë, ndërsa ekipet e Mbrojtjes Civile (Helmetat e Bardha) filluan aktivitetet për shuarjen e zjarrit dhe pastrimin e rrënojave.

Përgjegjësinë mbi sulmin ende nuk e ka marrë askush.