Sulm me raketa ndaj forcave amerikane në Aeroportin e Bagdadit

Dy raketa ranë në afërsi të Aeroportit të Bagdadit ku ndodhet selia e forcave amerikane, sipas një zyrtari të policisë irakiane.

"Në agim, dy raketa shënjestruan Aeroportin Ndërkombëtar të Bagdadit; ku ndodhet selia e forcave amerikane në pjesën ushtarake të aeroportit", tha për Anadolu Agency (AA), kapiteni i policisë Ahmed Khalaf.

Khalaf deklaroi se "nuk raportohet për vdekje ose dëme materiale". Ai tha se forcat e sigurisë kanë gjetur një raketë në lagjen Al-Furat, në perëndim të Bagdadit.

Kjo erdhi pas një sulmi të ngjashëm që kishte në shënjestër forcat amerikane në aeroport më 8 qershor. Më 13 qershor u shënjestrua edhe baza ushtarake Al-Taji në veri të Bagdadit, e cila strehon forcat amerikane.

Në fillim të këtij muaji, qeveria e Irakut u zotua të mbrojë të gjitha bazat ushtarake të koalicionit ndërkombëtar të udhëhequr nga SHBA me shpresën e largimit të trupave amerikane.