Sulmi amerikan në Siri, Putin takim me Këshillin e Sigurisë

MOSKË (AA) - Presidenti i Rusisë, Vladimir Putin, pas sulmit të SHBA-ve me raketë në bazën ajrore të regjimit në Siri, ka mbledhur Këshillin Rus të Sigurisë, raporton Anadolu Agency (AA).

Në deklaratën e publikuar nga Kremlini, theksohet se në mbledhjen e Këshillit të Sigurisë, janë vlerësuar me detaje zhvillimet e fundit në Siri.

Në deklaratë gjithashtu goditja e bazës ajrore të regjimit nga ana e SHBA-ve është cilësuar si "vepër agresiviteti" dhe u pohua se kjo është kundër të drejtës ndërkombëtare.

Më tej në deklaratë u theksua se veprat të këtilla agresive, do të ndikojnë negativisht në luftën ndërkombëtare kundër terrorizmit dhe se zhvillimet e fundit kanë dëmtuar marrëdhëniet Rusi-SHBA.

Në mbledhjen e Këshillit të Sigurisë, morën pjesë kryeministri Dmitriy Medvedev, ministri i Mbrojtjes, Sergey Shoygu dhe zyrtarë të lartë.